彪哥海鮮菜館

看金剛和小儀 介紹 去了彪哥海鮮菜館

招牌菜砵酒焗生蠔

兩個人叫了三餸一湯 但白飯無得任裝 ...

招牌菜砵酒焗生蠔, 我唔係想拆人地招牌, 只係講出我作為一個食家 (嘻 ^^) 的小小意見. 生蠔夠晒大隻, 係美國桶蠔, 但就正正因為太大隻, 唔可以煮太耐 所以唔夠入味. 美國桶蠔白灼已經好好食, 加個甜甜地的汁, 同惹味的洋蔥, 一定好食.

但其實砵酒焗生蠔用女生尾指咁上下大的蠔係最好, 用到咁大隻桶蠔絕對係彪哥的 "同人唔同" 的招來綽頭.

另一招牌美食, 鹿筋薑醋凍.

好好味, 好得意呀 ~

薑醋的味道唔使介紹啦, 鹿筋好爽口, 小小辣, 薑原全無渣. 哩個中式泠盤一流, 不過價錢就... 嘿 !

份量係中式茶杯一半左右, 盛惠二十元 !

脆奶拼大腸

薑蒽炒蟹, 一般, 無特別, 只係我身痕, 想食蟹.

白菜豬肺湯
賣相不錯, 鮮甜可口
細盅 $55 三個人都夠飲

如果人多可以叫杏汁豬肺湯, 應該更好味. 不過只有大盅, 所以我地無叫.


埋單 多謝 $350







我和朋友坐房, 四張枱, 有三張枱的食客都係睇左 金剛同小儀 先來. 我下次要吃 鹿肉麵綫, 鬼馬名嘴, 炒聖子, 荷包鱔.

後記:
我對 味精有敏感, 是日回家有反應 ( !!! ) 背部皮膚有火燒的感覺, 亦非常口渴. 我飲左2大杯水, 加一杯紅茶都唔得. 最後, 要用古法解 "味精" -------
.
.
.
可口可樂是也 !