遊走檳城 極樂叻沙 Day 3 下午 (7)

龍城酒店附近 78 Kafe
是日午餐美食如下 ...

褔建麵 + 薏米水+ 油菜 + 肉骨茶 and friends (即係肉骨茶套餐, 有湯, 有白飯, 有油條 和 生蒜泥 ^^)

原本想著近日吃了太多濃味的東西, 想吃碟炒青菜。誰知檳城的炒菜上面舖滿了肉鬆, 炸蒜蓉。勁濃味 !!!!  我在想馬來西亞人這樣很容易有腎病, 但回想我近這兩天的排汗量...  攝取多點鹽份又真沒太大問題了 !

今日餐飲 有消暑、健脾胃、利小便、消水腫、寧神安眠 的薏米水 ! 正正 !

 食飽飽 搭 203 号巴士 去極樂寺 ! 車程差不多四十分鐘,  好適合 午後 嘆住冷氣眠一眠 。





極樂寺, 我聽到個名都想去啦, - 極 - 樂 wor !! 沿途已經見到非常壯觀的觀音像 聳立在半山, 嘩, 快D 快D。

寺的入口係一個非常大型的商場 --- 嘻, 其實係商户們佔據了入口的樓梯, 形成了商場。

  好似籃球 咁大隻的靈龜 爭住上水 曬太陽
  場面攪笑 好似有金執咁

比 RM 4 搭"車立"  (升降機) 上山 睇觀音像。

沒想像中的宏偉 -__-

只能在地面仰望 -____-

更沒有開放近距離參觀  -______-

樣子 囂士 臭寸 的天兵 (嘻 !)

●○※○●○※○●○※○●○※○●○※○●○※○●○※○●○※○●○※○●○※○●○※○●○※○●●○※○●○※○●


行完, 又係時候 Tea 一 Tea !
唔好問我點解 日又食夜又食, 檳城... 真係無咩好做 ...
不過 for your information, 我旅遊回來 只係肥左少少,
 因為太熱, 出太多汗,
 所以大家放心食啦.
還有 檳城 的食物份量 偏少, 不像香港那樣 !

 

叻沙 + 甘蔗汁


認住個招牌 Pasar Air Itam Laksa 亞依淡巴剎, 有人話這是檳城的非吃不可 , 唔... 我只能說食左幾日叻沙, 這碗最味濃 , 杯甘蔗汁最凍, 最足料 !

地點就在到極樂寺的巴士站旁。去極樂寺之前食又得, 回程先食又得, 得左 !


溫馨提示, 如果想飲甘蔗汁, 記得記得要坐近蔗汁這邊枱, 要不便有其他人問你喝什麼, 不喝又要看臉色, 煩 !

嘩! 今日夠皮啦掛 ... 未算 ... 今晚大把野玩呀 !






下篇 紅園 夜市 Day 3 晚上 (8)