遊走檳城 巴士 Day 4 上午 (9)

早餐 炸豆腐 + 炒粿條 + 雲吞麵 + 凍美祿

 唔知點解 『美祿』 會係檳城的 馳名飲料, 唔特別好飲。 但是有人話檳城的比香港的朱古味更濃… 唔覺… 因為飲開阿華田 ! 邊個係香港會飲美祿 ? 茶餐廳都無得飲 …

炸豆腐 — 唔知點會點這個…其實還有其他選擇， 炸鷄件, 炸蝦… 炸炸帝帝等…其實我唔記得仲有咩... 嘻嘻

雲吞麵 ! Oh ~ 其實明知及不上香港, 只是我那充滿冒險精神的友伴 想來個比較而已。結論係乾撈雲吞麵, 太重鹼水味，雲吞太細粒 (得兩粒) ，碟底豉油太咸 ，送瘦义燒一大粒 。不過都係 RM3 ( 約HK$8.1 ) , 想點! 香港麥奀記 $28 一碗都只有四粒雲吞.

炒粿條 —  唔知點解日日都食。

跟住又搭 巴士去遊喬治市 舊街, 但相太多, 下篇先講.

今日講 搭-巴-士 !!

檳城的 巴士 真係意想不到的清潔, 玻璃窗一點頭油都無, 冷氣夠凍 (亦不太冷) , 車廂地板無烏積 。大部份的時間都有位坐。不過這只限於收費巴士 !

我有緣搭左半次 免費 CAT Free shuttle bus , 真係半次, 因為坐左兩個站, 頂唔住, 所以落車 !

因為等免費巴士的人非常多  (不單只有旅客) , 好逼, 車廂唔夠空氣 (我都無要求係冷氣了), 玻璃窗只能矇矇朧朧看到外面, 坐位寫滿了圖鴉, 前後左右的乘客都在高談闊論, 再加上附近的人體味特濃 ...CAT Free Shuttle Bus  告誡大家唔好貪便宜。

另外有人建議, 由機場去酒店一定要坐的士, 但我建議坐巴士都OK. 因我到埗時, 剛好是黃昏, 巴士車窗夠大, 沿途風景一流. 假若你的酒店是在 Komar 附近, 是非常好找, 兩三個車站之前已經會見到 Komar. 但要注意機場巴士路線 約 20-30 分鐘一班.

其實我今天坐 CAT 只是貪好玩, 因為一早用 RM 30 買了 7 日 Bus Pass - 叫做 rapid passport. 抵唔抵見仁見智, 因為一程車資只需約 RM 1-3.

不過好處如下 :
．可以成日遊巴士河
．太累太熱時, 可以涼冷氣
．見到窗外邊到靚, 可以即刻落車
．唔使每次找續散銀
．仲可以扮大爺 (唔使比錢) !


送你真人真事笑話一則
第一次坐檳城巴士時, 近車頭位置有電子板, 到站都有廣播 。於是我開始試著在地圖上找車站名, 找了一會 .... .... ... 司機怎麼偷懶不轉電子板的車站名 .... .... ...原來那個板是寫著 Berhenti 意思是 Stop ! (意思: 下一站會停車) 嘻 !


檳城巴士公司網頁
http://www.rapidpg.com.my/



下篇 世界遺產 喬治市 Day 4 下午 (10)