宣傳話係 "本年度最震撼感官力作", "震撼康城"... 有無咁誇張? 康城D人少睇電影 ? 比香港觀眾保守??
我單純以感官震撼去評論, 這套係去得幾盡. 有幾個鏡頭我都要掩眼 . 同場亦有不少人發出作嘔和反胃的聲音. 但係要令人作嘔其實唔難, 你影蒼蠅產卵,垃圾場...等等, 都可以好反胃. 電影中令人反胃的鏡頭係,女主角虐待男主角, 另外亦有性暴力, 自慰等露骨畫面. 我認真只覺反胃, 但唔係好震撼... 我估一套日本四級AV, 應該有斉以上. 嘻.
電影名稱係 Anti Christ, 但內容唔係反基督, 只係在這題目上做文章. 我無宗教信仰, 對這方面亦無硏究.但係我知同尼采 Friedrich Nietzsche 有本書同名 The Anti-Christ, 我知尼采本書真係講反基督. 不過咁哲學的話題, 唔想係到評論, 你約我出來飲下午茶再傾.
去得幾盡代表好睇? 見人見志啦. 震撼感官又係唔係代表好睇 ? 可以係! 但這套電影唔係! As far as I could remember 令我覺得震撼的首選, 係韓國電影 [原罪犯] (Oldboy). 變變態態的戲, 我首推韓國電影, 有好幾套都頗為出色 ! 例如 [饑渴誘罪] (Thirsty) 男主角係神父, 開口埋口以之名, 但有 "性上癮" 病, 最後仲變左吸血鬼. 哈哈, 內容夠晒反基督, 同變態.
其實日本係這方面應該唔弱, 但可能日本導演都專攻AV市場. 市場大好多呀!
另外動作片都可以好震撼感官, 例如 [十月圍城] , 導演完完全全掌握我個心跳, 由頭緊張到尾, 到散場先敢透大氣, 制片人陳可辛應記一功! 另外近期的 [通天奇兵] (The A Team) 亦是好緊張,好多大場面都拍得唔錯. 不過都係唔夠 [十月圍城] 好睇.
Blythe Rating : 7 Marks
No comments:
Post a Comment