精武風雲 陳真

入場之前, 友人說連甄子丹都要為電影賣肉露股, 所以唔方好睇...
哼!
等我話你知, 你超錯 !!

好睇!
好好睇!
好好睇呀!
呀! 甄子丹呀!

講明先, 我係女性觀眾, 無特別偏好甄子丹, 或是打戲. 但我覺得好好睇! 係最好睇的甄子丹, 好過 Question Ip 添呀!





電影開端的一場打戲好正, 甄子丹身手強勁, 顏色 tune 得有味道, 配樂精彩。 嗱! 唔好遲入場, 自誤 !

坦白講, 甄子丹真係唔止打得賣力, 仲要賣肉賣演技。 電影中好多鏡頭係要塑造一個 "形" 的甄子丹。 例如, 穿著全身白西裝彈鋼琴, 留著小鬍子和舒淇談情的大近鏡,  騎 "哈利" 電單車 (仲要擺 Pose 加定鏡)。唔好咁驚先, 信下導演劉偉強啦, 拍出來OK 架。 當然唔少得露股加露上身的特寫, 和以一敵百的大場面。好似 "硬銷" 甄子丹 ? NO ! 係多角度描寫陳真, 令陳真的角色比較有血有肉, 有感情。

  好過 Question Ip的地方係, [葉問] 比較平舖直敍, [陳真] 多了描寫感情, 比起單靠歷史故事更容易投入。 [葉問] 係宇宙最強的獨腳戲。 [陳真] 的角色豐富很多, 有舒淇, 黃秋生, 黃渤 (曾演[瘋狂的石頭] ), 個個有戲份, 演技好過丹爺。 ^^  仲有一個, 我唔知係唔係令我覺得好睇的原因... 亦不知是否歷史的一部份... 電影中的陳真給漫畫化了, 在戲中化身青蜂俠, 哈哈哈... 陳真玩 cosplay, 仲要步驚雲 "上身", 著住青蜂俠衫企係屋簷擺 pose, 有D風吹下吹下咁... 哈哈哈... 我好鍾意步驚雲架... 哈哈哈...


話說回來, 友人覺得還不過是另一部武打電影, 來來去去都是打日本人, 有點悶, 想要較現代一點的東西, 例如打拳頭交。 我不得不提出  [葉問2] 是打洋鬼子.而不是日本人。 想要較現代一點的, 讓我想起 [龍虎門] ... 但係好似唔係好收得播...

另外我要補充, 雖然我覺 [ 陳真] 好好睇, 但若然想比較 "精武", 我首推 [霍元甲] (李連杰飾)  和 [精武門] (李小龍飾)。甄子丹號稱宇宙最強, 咁李連杰呢? 唔係李連杰減產, 甄子丹... 真係唔知係宇宙邊到。

最後電影排期在 9.18 (保釣事件紀念日) 附近上影, 抗日的情緒好應景, 電影中的學運人士叫抗日口號, 令我好想起身拍手支持 !! 罷買日貨! 打倒日寇! 罷買日貨! 打倒日寇!






資訊連結

電影精武風雲 陳真 主頁
甄子丹 維基百科
霍元甲 百度百科