遊走檳城 新關仔角夜市 Day 1 (1)

去了 Penang 檳城 五日四夜
搭國泰，機程三個半小時
6:30pm 下機,  坐巴士轉的士, 攪足兩小時才到酒店 !!
咩都唔好講住, 換過拖鞋, 發足直奔 新關仔角夜市 , 由酒店 G Hotel 經 Gurney Plaza , 只要三分鐘, 正!


夜市 其實係露天大 Food Court, 有很多檔口. 有些很有名的, 便要先排隊. 其他, 只要跟老闆說好要什麼, 手指指告訴他你坐在那裡, 然後貨到付款. 爽!

這就是我口中很有名的檔口

五天檳城之旅中  我認為最好食的炒粿條! RM 4

檳城 Food Court 有個有趣的規定, 你一坐下 便有人上前問你要什麼飲料 . 唔比齋食, 更唔可以齋坐, 遲一點點也不行, 她會一直站在你身旁等你.

飲品 RM 1-2



是晚我點了龍眼冰, 朋友要了豆寇汁 (Nutmeg Juice). 哈哈, 未飲過豆寇汁?? 味道係 "正紅花油" 加冰水. 正紅花油即係亞媽亞爸搽腰骨的葯酒. 哈哈, 唔使係檳城試飲. 香港萬寧有售, 你打開個樽蓋索一索, 包你舒筋活骼.哈哈. 我個朋友係非常有冒險精神的! 我回想起那杯豆寇汁, 便想笑.




Rojak - 檳城名物 , 個賣相比較 重口味 (嘻!)
不過的確 係好濃味
你當它是 雜錦沙侓, 而 Rojak 就是那個黑色沙拉油, 都 OK 好味.

雜錦沙侓的材料任是自選, 友人點了魚丸, 蛋, 芽棻, 青瓜 和 炸蟹 (一整隻蟹!)

配搭新奇, 但又出奇地合拍 。認住, 係印度人果檔.








叻沙 - 沒有椰汁味, 沒有蝦, 只有濃郁蝦醬味

 食飽飽 順著海邊長堤 散步回酒店

 




1 RM = 2.6 HKD
RM = Malaysian Ringgit

下篇 : 臥佛寺 Day 2 上午 (2)