我以為套電影係講"腐女", 我以為會有好多 cosplay 場面, 我以為會好笑....
電影的前半部, 真係滿足晒我以上所講的
幾多笑位, 故事題材亦夠新奇
咁下半部發生咩事 ?
...
...
...係一個普通過普通的愛情故事
原來故事改編自超人氣網上小說「腐女子彼女」,再出書, 賣出32萬本, 再發行漫畫版, 再拍成電影. 證明應該有一定程度的吸引力....我指係日本...哈!
有些場面拍攝手法, 有別於一般電影. 導演大胆用手搖鏡拍足數分鐘, 又或者係連續10秒以上定鏡 (無動作, 無對白, 無 zoom out, 無 zoom in). 我以為係大師級作品.........原來係忠於漫畫版 !! (我都無睇過漫畫版, 但你有睇過足球小將, 無理由會唔明 ! 小志強佢地踢波, 可以兩集都未踢過半場. 又或者好似小克畫漫畫, 無端端空左兩格又得!得左! )
當然,下半部亦有其精彩之處.
例如, 簡簡單單男方為女方剪腳甲, 就拍出親密纏綿. 又如, 分手一幕, 明明男女主角笑著說再見, 害我眼淚直流...咁米叫做高手囉! 煽情而不硬催淚, 叫你看得投入而感動掉淚 !! GOOD JOB !
B囡話 : 睇又得唔睇又得! 但我真係諗唔到賣點 SELL 你去睇...
腐女 = 以BL作品為主要狩獵範圍
BL = Boys' Love 的縮寫，用以代指男性間的戀愛，為創作的一種類型，指由愛好此事物之作者創作給愛好此事物之讀者看的「虛構幻想的男同性戀」作品，內容以男性與同性之間的愛情為主。作品範圍橫跨漫畫、小說、廣播劇CD和電子遊戲等
No comments:
Post a Comment